水樹奈々非官方後援會(香港分部) https://bbs.nanafchk.com/ |
|
好唔開心 https://bbs.nanafchk.com/viewtopic.php?f=6&t=206 |
第 1 頁 (共 1 頁) |
發表人: | NANAKO* [ 週二 3月 18, 2008 12:25 am ] |
文章主題 : | 好唔開心 |
話說3月15號是我公司出糧的日子 本應是很開心的 當我去拿人工時 發現支票上少了$600- 我問會計部點解會少左人工 答覆是「你2月放左年假 所以冇勤工」.. 不過呢個年假 並不是我想放的 初一至初三 是必定可放 並不影響勤工 初四 星期日 如不是星期日 應該是要返工的 (這個沒關係) 初五至初七 公司迫我放 我有問可否不放 答覆是「你可回來做義工」 初八至初十 正常返工 (有d返頭3日 放呢3日 不過同我沒關係 總之就強迫個個都一定要放三日) 在2月的時候 因為不知會扣勤工 咁既然公司要我地放 又問左不可不放 咁梗係開開心心放左3日假 點知上星期六出糧竟然被扣勤工$600-!! (大約相等於我3日人工..) 今日去左勞工處問 d職員話呢個case有得追討返 接受左我既申請 我亦有返公司問其他同事 佢地做左幾年 已經知年年2月都冇勤工 我同佢地講 我去左勞工處追討 佢地話 好難追得返.. 最令我覺得不可接受既係.. 總管佢自己竟然o係2月尾放左 個幾星期的大假 知道冇勤工就放晒d年假 心機好重... 我覺得年年都係咁既傳統唔一定就o岩晒 呢個勤工我打死都要追討返! 另, 想問下大家有冇frd的公司請人, 中五畢業 有7千或以上的職業^^? 發洩完了 感謝= = |
發表人: | 若天 [ 週二 3月 18, 2008 1:04 am ] |
文章主題 : | |
真係無良 我上年都被屈兩日年假,好在我地公司無勤工 |
發表人: | cracky [ 週二 3月 18, 2008 1:27 am ] |
文章主題 : | |
NANAKO唔駛驚啊,我支持你啊 我地香港奈奈迷係唔可以俾人蝦的 PS.原對白出自秋天的童話的船頭尺XD |
發表人: | 屍.十二 [ 週二 3月 18, 2008 10:52 pm ] |
文章主題 : | |
中五畢業咁易有7千或以上?? 要做邊行先得? 你依家幾錢人工? 我中五出黎做左2年先得6千...OTL 近期開始想轉行了... |
發表人: | NANAKO* [ 週三 3月 19, 2008 7:15 pm ] |
文章主題 : | |
屍.十二 寫: 中五畢業咁易有7千或以上??
要做邊行先得? 你依家幾錢人工? 我中五出黎做左2年先得6千...OTL 近期開始想轉行了... 做緊courier 想轉去做順豐 聽講個間有過萬蚊1個月 |
發表人: | NANAKO* [ 週二 4月 01, 2008 7:38 pm ] |
文章主題 : | |
報告近況: 庭外和解 失敗 勞工處主任對公司代表說 「員工放年假係享用勞工福利 如果在享用福利的時候 令員工有其他損失 是不合理的」 公司代表說 「放年假是要申請 申請是要入紙 入紙是要簽名 簽名是你自己簽 你不想放假可以不簽 我們不可能代你簽的 而且你也清楚放任何假也沒有勤工吧」 這句真夠絕 一個屈尾十 將簽名責任反推我身上 但是當時我真的可以不簽嗎?? 世途險惡 經一事長一智 以後簽名真的要小心小心 主任轉介我去小額錢債仲裁處落案和排期上庭 等官判勝敗 接下來要付出額外金錢時間 不過現在已經不是為那600蚊 而是原則問題 我認為我沒錯怎可以吞聲忍氣!! 發洩完了 感謝= =" |
第 1 頁 (共 1 頁) | 所有顯示的時間為 UTC + 8 小時 |
Powered by phpBB® Forum Software © phpBB Group http://www.phpbb.com/ |